客家語文朗讀 / 一盎覆菜 / 四縣
【一盎覆菜】李夢花原作
「妹仔賊、妹仔賊、豬肉青菜外家扐，番瓜覆菜做盡愛，若老公食到肚膕膕……」還細時節?最好坐在阿公膝頭頂，聽佢編分?聽个童謠。阿公緊講緊笑問?這個妹仔屎，大了後會係妹仔賊無？該央時?還細聽毋識，心肝肚愐毋解，拿屋下食屋下仰般會分人喊做賊呢？
?這個客家妹，大了後嫁到學老莊，最思念个客家味係阿姆揤个覆菜拿來炆桂竹筍 。用芥菜滷做鹹菜再過晒到半燥揤落盎仔个覆菜，還有另外一種高尚好聽个名仔安到「福菜」，本旦「覆」係倒漀 个動作，又因為「覆」摎「福」兼音，故所用「福菜」這名仔正經係大智慧。
逐年冬下頭，割芥菜、滷鹹菜、做覆菜係?三姊妹總下愛?手个大事情，芥菜放在禾埕晒一晝邊，菜莖菜葉憔憔餒忒吔 正好委鹽亼，鹹菜較靚較毋會必，再過放落大醃缸肚，喊?腳洗淨上去躪畀拶，係毋堵好腳有爛空，該斯會痛到噦噦滾合湢湢跳哦！續等醃缸頂高放隻大石牯矺，就放在屋簷下晟日頭，幾日仔鹹菜就香香香，鄰舍來打嘴鼓分這香味餳著，緊阿?阿姆手路慶，慷慨个阿姆就一儕一頭見人有份，到愛晒覆菜正長 半醃缸定定。人講：「阿婆背孫仔躪鹹菜，阿婆緊搖孫仔斯緊愛。」阿姆分人緊沙鹹菜就煞猛緊滷。趕好天?兜就愛?洗酒盎仔?晾菜，一頭一頭个鹹菜比比晾在竹篙頂，晒幾下日過到半燥，就一皮一皮落酒盎揤到拶拶，盎嘴抹兜鹽、蓋仔椊好勢，倒漀放到明年正開盎，阿姆哀哦！歸百斤个芥菜，到尾張無幾多盎个覆菜。
年年?這兜阿姑還過妹仔轉外家，總會有一盎覆菜一包米粉做矺底。問阿姆屋下做鹹淡又無拿去賣，仰使恁勞碌做恁多？原來係隔壁个阿火伯會種毋曉賣，種个菜又靚又大頭，愛買幾多隨在自家去割，麼个價數乜儘採人算，係無人買就放在田裡肚綿。勤儉个阿姆仰會盼得好好个菜打爽忒？人講：「鈍刀切菜乜愛缸來幫。」阿姆个覆菜會恁香，除忒阿火伯實實在在種出來个芥菜，乜有阿姆个人情味摎省儉做加料。
覆菜經過鹽滷、日頭炙一皮一皮揤落盎，再過用時間發過變做好芬芳，這皮覆菜摎?醹醹个客家情感綯核核，一盎覆菜有萬種味道萬項情。